Ngamaleu në qendër të skandalit pas një videoje virale

Një video private mund t’i kushtojë shumë Moumi Ngamaleu. Sulmuesi i Dinamos së Moskës dhe i Kamerunit është bërë së fundmi protagonist i një skandali mediatik që ka tërhequr vëmendje të gjerë në rrjetet sociale. Partnerja e tij, artistja ruse Nikki Seey, postoi një video në të cilën pretendon se e ka kapur futbollistin me një grua tjetër në shtëpinë e tyre. Incidenti, i cili ndodhi një ditë pas ditëlindjes së Nikkit, thuhet se kërkoi ndërhyrjen e policisë pas një konfrontimi të nxehtë midis dy palëve.

Videoja, e cila u bë shpejt virale, shkaktoi reagime të shumta nga tifozët dhe media, veçanërisht pasi Ngamaleu mbante veshur pantallona të shkurtra të ekipit kombëtar të Kamerunit kur u regjistrua. Seey, 25 vjeç, thuhet se kërkoi ndihmën e dy rojeve të sigurisë dhe një miku për të hapur me forcë derën e dhomës së gjumit, ku ishin të mbyllur lojtari dhe e dashura e tij.

Si pasojë e këtij incidenti, Ngamaleu thuhet se humbi fluturimin për në kampin stërvitor të ekipit kombëtar të Kamerunit, për të cilin ishte thirrur. Të enjten, Kameruni do të përballet me Republikën Demokratike të Kongos në gjysmëfinalen e playoff-eve kontinentale.

"KORCA BOOM"