Ngjarje e rëndë pranë stadiumit një person gjendet i djegur

Një ngjarje e rëndë është regjistruar mbrëmjen e sotme pranë stadiumit Elbasan Arena, ku një person është gjetur i djegur në një ambient të përshtatur si banesë, në katin e parë të një pallati.

Rrethanat e ngjarjes mbeten ende të paqarta dhe hetimet janë në zhvillim.

Sipas informacioneve paraprake, ndërhyrja e shërbimeve zjarrfikëse është bërë pas sinjalizimeve nga banorët për tym dhe erë djegieje. Zjarrfikësit kanë hapur ambientin dhe kanë konstatuar gjendjen e rënduar të personit të gjetur.

Për rreth një orë, energjia elektrike është ndërprerë në një pjesë të bllokut të banimit në lagjen 5 Maj, si masë sigurie.

Policia dhe shërbimet përkatëse po vijojnë hetimet për të zbardhur shkaqet e ngjarjes.

"KORCA BOOM"