Ngjarje tronditëse: Mësuesi arrestohet për ngacmim s*eksual ndaj një të miture

Një ngjarje e rëndë ka tronditur Zelandën e Re, ku një mësues është arrestuar, i akuzuar për ngacmim seksual ndaj një nxënëseje të mitur. Mediat e huaja kanë publikuar mesazhe tronditëse që ai i ka dërguar vajzës, përfshirë foto dhe video intime të tij.

Mashtrim dhe manipulim në rrjetet sociale

Ngjarja ka nisur në muajin korrik, kur mësuesi filloi të komunikonte me të miturën përmes aplikacionit Snapchat, duke përdorur një emër të rremë.

Ai i tha vajzës se ishte 18 vjeç, ndërsa ajo i tregoi se ishte vetëm 14. Pavarësisht kësaj, ai i kërkoi që të vazhdonin bisedën në një platformë tjetër, duke pretenduar se Snapchat "nuk ishte i sigurt" dhe se "nuk donte të futej në telashe".

Reagimi i vajzës dhe ndërhyrja e prindërve

Në një moment, vajza u ndje e pasigurt dhe njoftoi prindërit e saj, të cilët kontaktuan menjëherë policinë.

Për të kapur autorin në flagrancë, një efektiv policie mori përsipër të vazhdonte komunikimin me mësuesin, duke u shtirur si vajza. Pa e ditur që nuk po fliste më me të miturën, mësuesi vazhdoi t’i dërgonte mesazhe me përmbajtje të papërshtatshme.

Mesazhe shqetësuese dhe sjellje të dënueshme

Në një nga mesazhet, ai i shkruante:

“Dukesh shumë e lezetshme, do të doja shumë të të njihja më mirë xx.”

Më pas, ai i kërkoi të dërgonte një foto dhe i dërgoi vetë një foto nudo, me përshkrimin:

“Duke menduar për ty… ky jam unë, meqë ra fjala.”

Ai e ftoi në shtëpinë e tij, i propozoi një xhiro me makinë dhe u ofrua të bëhej i dashuri i saj, duke kaluar çdo kufi të sjelljes së lejueshme dhe të ligjshme.

Reagim i menjëhershëm dhe ndjekje ligjore

Falë reagimit të shpejtë të vajzës dhe prindërve, si dhe punës së organeve të rendit, mësuesi është identifikuar dhe arrestuar. Ai do të përballet me akuza të rënda penale për përfshirje në komunikim të papërshtatshëm me të mitur, shpërndarje materiali intim dhe tentativë për abuzim seksual.

"KORÇA BOOM"