Në Korçë, emocionet ndahen në dy: Qetësia e Laskës dhe tronditja e Takajt

Finalja e sezonit në Kategorinë e Parë në Korçë nuk u shënua vetëm nga ngjarjet në fushë, por sidomos nga përjetimet e forta në tribunën VIP, ku u panë dy reagime krejt të kundërta.

Presidenti i Laçit, Pashk Laska, u shfaq i qetë dhe i kontrolluar gjatë gjithë momentit vendimtar. Pa emocione të ekzagjeruara, ai ndoqi zhvillimet pranë kreut të FSHF-së, Armand Duka, me të cilin u pa i relaksuar dhe duke shkëmbyer biseda të qeta, në një atmosferë që reflektonte kënaqësinë e një objektivi të arritur.

Në krahun tjetër, presidenti i Skënderbeut, Ardjan Takaj, përjetoi një tjetër realitet emocional. I filmuar nga kamerat në momentet e fundit, ai u pa i tensionuar dhe i zhytur në zhgënjim, me një reagim që tregonte qartë peshën e një mundësie të humbur pas një sezoni të gjatë ku skuadra e tij kishte qenë protagoniste.

Dy figura drejtuese, dy mënyra të ndryshme për të përjetuar të njëjtin fund sezoni: qetësia e fituesit dhe zhgënjimi i atij që pa objektivin t’i ikte në sekondat e fundit.

“KORÇA BOOM”