Ortek: Dy alpinistë mbijetojnë, pesë të tjerë humbin jetën

Pesë alpinistë gjermanë kanë humbur jetën në Alpet italiane pas një orteku dëbore gjatë ngjitjes në majën Cima Vertana, në masivin Ortler, në Tirolin Jugor. Viktimat ishin pjesë e një grupi prej shtatë personash, mes tyre edhe një vajzë 17-vjeçare.

Sipas ekipeve të shpëtimit alpin, orteku ra të shtunën, duke varrosur tre alpinistë të grupit të parë. Trupat e tyre u gjetën pak pas aksidentit, ndërsa trupat e një babai dhe vajzës së tij u lokalizuan mëngjesin e së dielës.

Dy alpinistë të grupit tjetër mbijetuan dhe dhanë alarmin, duke mundësuar nisjen e menjëhershme të operacionit të kërkim-shpëtimit. Tragjedia ndodhi në një lartësi rreth 3.200 metrash, pak para orës 16:00.

Në vendngjarje u angazhuan ekipe të specializuara të shpëtimit malor, zjarrfikës dhe dy helikopterë, por përpjekjet e tyre nuk mundën të shmangnin humbjet e rënda të jetëve njerëzore. Autoritetet njoftuan se po vijon puna për hetimin e rrethanave të aksidentit dhe për vlerësimin e kushteve të sigurisë në zonën e njohur për terrenin e vështirë dhe rrezikun e ortekëve.

"KORCA BOOM"