POLICIA/ 2 arrestime në Korçë. Në Bilisht 61-vjeçari kapet me patentë falco. Procedim penal në Zëmblak

Drejtoria Vendore e Policisë Korçë

Specialistët e Sektorit të Qarkullimit Rrugor arrestuan në flagrancë shtetasit F. Zh., 61 vjeç, banues në Itali, dhe E. T., 35 vjeç, banues në Korçë, pasi u kapën duke drejtuar automjetet e tyre në gjendje të dehur.

Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasin G. K., 32 vjeç, banues në fshatin Zëmblak, pasi dyshohet se ka cënuar vendimin e Gjykatës, të caktuar ndaj bashkëshortes së tij.

Specialistët e Hetimit të Krimeve në DVKM Korçë referuan materialet në Prokurori, ku filloi procedimi penal për shtetasit R. A., 43 vjeç, banues në Tiranë, dhe K. A., 61 vjeç, banues në Bilisht, pasi dyshohet se dispononin leje qarkullimi të falsifikuar për trajlerët që tërhiqeshin nga kamionët që ata drejtonin.

Materialet procedurale iu referuan Prokurorisë së Korçës, për veprime të mëtejshme.

“KORÇA BOOM”