Polonia paralajmëron. Shqipëria ka treguar se nuk dorëzohet!

Trajneri i Polonisë foli përballë medias një ditë para sfidës vendimtare ndaj Shqipërisë, duke e cilësuar ndeshjen si një nga më të rëndësishmet në karrierën e tij:

“Ata fituan një ndeshje jashtë fushe në Ligën e Kombeve kundër Ukrainës dhe gjithashtu triumfuan në një duel të rëndësishëm jashtë ndaj Serbisë. Sipas mendimit tim, ata u paraqitën brilant në Kampionatin Europian: u mundën 1-0 nga Spanja, 2-1 nga Italia dhe barazuan 2-2 me Kroacinë. Kjo tregon se kemi përballë një skuadër të aftë për të shkaktuar surpriza. Uroj që të mos jetë nesër”, tha ai.

Ai e përshkroi sfidën kundër Shqipërisë si një test të vështirë: “Kjo është ndeshja më e rëndësishme e jetës time. Pres një përballje të hapur. Shqipëria është e fokusuar në aspektin mbrojtës, por ata e dinë që gjithçka përfundon në këtë duel. Në çdo ndeshje të mëparshme, ata na kanë krijuar probleme, dhe kjo tregon forcën e organizimit të tyre.

Formacioni është shumë stabël, trajneri punon me ta prej tre vitesh, dhe ata shfrytëzojnë maksimalisht pikat e tyre të forta.”

Ai shtoi se skenari i ndeshjes mund të jetë i paparashikueshëm: “Do të dëshiroja të kontrollonim lojën, por nuk e dimë se si do të veprojë ekipi shqiptar. Ne do të mundohemi të luajmë në mënyrë që t’i bëjmë ata të reagojnë si ne duam. A do ia dalim? Këtë do ta shohim vetëm nesër.”

Ndërsa trajneri i Shqipërisë, Silvinjo, foli për përgatitjet e fundit: “Portieri për nesër është zgjedhur, dhe shpresoj që stërvitja e sotme të mos më bëjë të ndryshoj mendje. Për dëmtimet, nëse asgjë nuk ndodh sot, të gjithë lojtarët do të jenë të gatshëm për sfidën historike.”

“KORÇA BOOM”