Reagon ikona Lida Shehi mbi foton nostalgjike të kampioneve

Ditën e djeshme, “Korça BOOM” solli një histori sportive të ekipit të basketbollit për femra, që kishte fituar titullin kampion para 25 vjetësh. Të shumta kanë qenë komentet nga sportdashësit, por ajo që tërhoqi më shumë vëmendje ishte reagimi i ikonës së basketbollit korçar, Lida Shehi.

Në komentin e saj, Shehi shkruan: “Sa mall, sa kujtim i bukur! Vajza të mrekullueshme, respekt e mall për të gjitha.”

Lida Shehi është një nga lojtaret me më shumë pjesëmarrje në ekipin e Skënderbeut. Ajo ka veshur fanellën e këtij ekipi që në moshën 16-vjeçare, duke dhënë një kontribut të jashtëzakonshëm dhe duke u vlerësuar si një nga lojtaret më të mira të basketbollit shqiptar.

Sot, ajo jeton larg, së bashku me familjen e saj, por kjo foto e vjetër ka ngjallur tek ajo një ndjenjë të thellë nostalgjie. Mbi të gjitha, kjo ikonë e sportit korçar meriton respektin e të gjithëve.

“KORÇA  BOOM”