Reagon Përgjegjësi i Kirurgjisë në Korçë, Dr. Stefan Faber

Përgjegjësi i Shërbimit Kirurgjikal në Spitali Rajonal i Korçës, Dr. Stefan Faber, ka reaguar pas ngjarjes dhe vendimit gjyqësor që lidhet me ndërhyrjen e Policisë së Shtetit në ambientet e spitalit.

Në deklaratën e tij, ai shprehet se situata e krijuar ka qenë e rëndë dhe e pazakontë për një institucion shëndetësor, duke e cilësuar ndërhyrjen si të tepruar dhe me ndikim në klimën e punës së stafit mjekësor.

Dr. Stefan Faber thekson se vendimi i gjykatës ka sjellë një lloj lehtësimi për personelin e kirurgjisë, duke u mundësuar atyre vijimin e punës së përditshme me fokus te pacientët dhe shërbimi human që ata ofrojnë.

Ai nënvizon se, pavarësisht situatës së krijuar, stafi mjekësor mbetet i përkushtuar ndaj detyrës për lehtësimin e vuajtjeve të pacientëve në kushte shpesh të vështira pune.

Në deklaratë, Përgjegjësi i Shërbimit Kirurgjikal shprehet gjithashtu se ngjarja ka lënë një ndikim emocional në repart dhe se institucionet duhet të tregojnë më shumë kujdes në mënyrën e ndërhyrjeve, për të mos cënuar funksionimin normal të shërbimeve spitalore.

Ai e mbyll reagimin duke kërkuar respekt dhe mirëkuptim për punën e stafit mjekësor.

“KORÇA BOOM”