Rezultatet e javës së 14-të në Kategorinë e Parë: fitore për Apoloninë, Burrelin dhe Korabin

Kanë përfunduar katër ndeshjet e para të javës së 14-të në Kategorinë e Parë, të cilat prodhuan rezultate të rëndësishme si në zonën e kreut ashtu edhe në atë të mbijetesës.

Apolonia arriti një fitore të pastër 2-0 ndaj Besës, duke marrë tre pikë të vlefshme falë golave të Topit në minutën e 56-të dhe Hoxhajt në të 68-tën. Fierakët dominuan lojën dhe nuk e vunë asnjëherë në dyshim fitoren.

Një tjetër rezultat i rëndësishëm erdhi nga Burreli, i cili mundi Luftëtarin me shifrat minimale 1-0. Goli i vetëm i takimit u shënua nga Xhabrahimi në minutën e 66-të, duke i dhënë matjanëve një sukses të rëndësishëm në shtëpi.

Korabi dhe Kastrioti prodhuan një ndeshje spektakolare me pesë gola, e cila u mbyll 3-2 për ekipin dibran. Reçi hapi serinë e golave në minutën e 17-të, ndërsa Marku shënoi dy herë në minutat 41 dhe 53. Për krutanët realizuan Oliver në minutën e 40-të dhe Kasmollari në të 74-tën.

Ndërkohë, përballja mes Lushnjës dhe Kukësit u mbyll pa gola. Të dyja skuadrat u treguan të kujdesshme dhe nuk arritën të gjenin rrugën drejt rrjetës, duke u ndarë me nga një pikë.

Java 14

(03.12.2025)

E MËRKURË (SOT)

Laçi – Pogradeci 0-0

Iliria – Skënderbeu (Nuk u luajt)

Lushnja – Kukësi 0-0

Burreli – AF Luftëtari 1-0

Korabi – Kastrioti 2-0

"KORCA BOOM"