FIFA ka njoftuar një nga rregullat më të pazakonta dhe më të diskutueshme për Kupën e Botës 2026!

FIFA ka njoftuar një nga rregullat më të pazakonta dhe më të diskutueshme për Kupën e Botës 2026: një pushim të detyrueshëm tre-minutësh në minutën e 22-të të secilës pjesë loje. Ky “cooling break” do të zbatohet pavarësisht temperaturës apo kushteve atmosferike, duke u kthyer në standard për të gjitha ndeshjet e turneut.

Ndryshe nga kampionatet kombëtare apo garat e UEFA-s, ku pushimet vendosen nga gjyqtari vetëm në raste të të nxehtit ekstrem, FIFA e ka bërë rregullin të detyrueshëm për arsye të mirëqenies së futbollistëve dhe rritjes së intensitetit të lojës.

Sipas FIFA-s, masa synon të shmangë rënien e performancës në minutat e fundit të pjesëve, të reduktojë lodhjen fizike dhe të ulë rrezikun e dëmtimeve muskulare në një turne të gjatë e me kalendar të ngjeshur.

Vendimi pritet të shkaktojë diskutime të gjera në botën e futbollit, pasi pushimi i detyrueshëm mund të ndikojë në strategjinë e ekipeve, ritmin e lojës dhe menaxhimin e energjive. Megjithatë, FIFA thekson se testimet dhe analizat mjekësore të mëparshme kanë treguar se ndërhyrja ndihmon në ruajtjen e cilësisë së lojës.

Rregulli do të hyjë në fuqi nga ndeshja hapëse e Botërorit 2026 dhe do të zbatohet deri në finalen e turneut.

"KORCA BOOM"