"Rritje pagash për 720 efektivë policie", Rama: Sa do të paguhet një inspektor në RENEA

Kryeministri Edi Rama njoftoi se rreth 720 efektivë të Policisë së Shtetit, që veprojnë në vijën e parë të përballjes me rreziqet më të larta, do të përfitojnë rritje page.

Në Podcastin e tij "Flasim", Rama shtoi se paga e një inspektori në RENEA do të arrijë rreth 1.600 euro, ndërsa drejtuesit e kësaj strukture do të marrin deri në 2.300 euro.

Për forcat operacionale, një inspektor do të përfitojë rreth 1.200 euro, ndërsa një kryekomisar mes 1.600 dhe 1.700 euro.

“Rreth 720 efektivë të Policisë së Shtetit, ata që shërbejnë në vijën e parë të përballjes me rrezikun më të lartë, do të përfitojnë rritje të mëtejshme page. Forcat RENEA, Forcat Kombëtare të Sigurisë dhe Forcat e Posaçme Operacionale do të mbështeten ende më shumë për punën sfiduese dhe të vyer që bëjnë në shërbim të komuniteteve, në shërbim të atdheut tonë të përbashkët.

Një inspektor në RENEA do të paguhet tanimë afro 1.600 euro, ndërsa një drejtues në këtë strukturë do të arrijë në afro 2.300 euro. Për forcat operacionale, paga e një inspektori do të shkojë rreth 1.200 euro, ndërsa për një kryekomisar mes 1.600 dhe 1.700 euro.

Bashkë me investimet serioze në teknologji, trajnim dhe pajisje, kjo rritje është një pjesë tjetër e qasjes konstante për forcimin e rendit dhe vendosjen e një raporti sa më të drejtë mes kërkesës për rezultate dhe vlerësimit sa më të përshtatshëm të këtyre rezultateve”, u shpreh Rama./ Pamfleti

“KORÇA BOOM”