Shpërthim në objekt me rrezikshmëri të lartë: 19 të zhdukur dhe rrënoja që ende tymosin

Një shpërthim i fuqishëm ka ndodhur mëngjesin e së premtes, më 10 tetor, në një fabrikë të specializuar në prodhimin dhe ruajtjen e eksplozivëve. Sipas autoriteteve, ngjarja ka lënë të zhdukur 19 persona dhe ka shkaktuar dëme të konsiderueshme materiale.

Sipas burimeve zyrtare, incidenti ndodhi pak para orës 08:00 me orën lokale. Shpërthimi u ndje në disa zona përreth dhe ishte aq i fortë sa tronditja u raportua dhjetëra kilometra larg. Për shkak të shpërthimeve të vazhdueshme pas goditjes fillestare, ekipet e emergjencës nuk arritën të ndërhynin menjëherë në vendngjarje.

Sherifi lokal, në një deklaratë emocionale për median, konfirmoi se 19 persona rezultojnë të zhdukur dhe se deri më tani nuk ka një shpjegim të qartë për shkakun e shpërthimit.

Pamjet nga ajri tregojnë shkatërrim të plotë të objektit industrial, mbetje të djegura dhe automjete të përfshira nga tymi. Objekti, sipas raportimeve të mediave, shtrihet në një zonë të madhe industriale dhe gjatë dy dekadave të fundit ka siguruar kontrata të rëndësishme për prodhimin e lëndëve shpërthyese.

Ekspertë të fushës kanë shpjeguar se aksidente të tilla ndodhin zakonisht gjatë përpunimit të lëndëve të para, të cilat në formën e tyre të papërpunuar janë shumë të rrezikshme, ndryshe nga produktet e stabilizuara si TNT ose nitroceluloza, të cilat janë më të sigurta për ruajtje.

Ndërkohë, burime spitalore konfirmojnë se disa persona janë paraqitur për trajtim mjekësor. Disa janë lënduar lehtë dhe janë liruar, ndërsa një tjetër mbetet nën kujdes mjekësor. Raportime të tjera flasin për pacientë të tjerë të trajtuar në spitale të zonës përreth.

“KORÇA BOOM”