Skandal në kategorinë e dytë /Futbollisti sulmon gjyqtarin 17-vjeçar, ndeshja ndërpritet!

Një episod i rëndë dhune ka tronditur futbollin amator në Itali, ku një gjyqtar vetëm 17 vjeç u sulmua brutalisht gjatë ndeshjes mes skuadrave Francica dhe Girifalco,

Ngjarja ndodhi pasi arbitri i ri, duke zbatuar rregulloren, mori disa masa disiplinore ndaj lojtarëve në fushë. Vendimet e tij shkaktuan reagim të menjëhershëm dhe të dhunshëm nga një prej futbollistëve të ekipit vendas, i cili humbi kontrollin dhe sulmoi fizikisht arbitrin, duke e goditur disa herë. Për shkak të situatës së krijuar dhe gjendjes së gjyqtarit, ndeshja u ndërpre menjëherë.

Menjëherë pas incidentit, policia dhe autoritetet përkatëse nisën hetimet. Divizioni Kundër Krimit në Vibo Valentia identifikoi sulmuesin dhe dosja i kaloi Shefit të Policisë, i cili vendosi masën maksimale të ndalimit DASPO ndaj lojtarit agresor. Ky ndalim, i cili i heq të drejtën për të marrë pjesë në aktivitete sportive, do të qëndrojë në fuqi për pesë vite, siç parashikohet nga ligji në rastet kur personi nuk ka precedentë të mëparshëm.

Ngjarja ka ngjallur reagime të shumta në komunitetin sportiv italian, sidomos për faktin se viktimë e dhunës u bë një arbitër i mitur, vetëm në fillim të karrierës së tij. Federata lokale ka dënuar ashpër aktin, duke theksuar nevojën për më shumë mbrojtje të zyrtarëve të ndeshjeve dhe tolerancë zero ndaj dhunës në sport.

Incidenti i Francica-s shërben si një kujtesë e hidhur se agresiviteti në stadiume dhe fusha jo vetëm që dëmton sportin, por rrezikon seriozisht jetën dhe shëndetin e të rinjve që angazhohen me pasion dhe profesionalizëm.

"KORCA BOOM"