Skandal në spital: Mjeku përballet me akuza për trajtim jo profesional

Një mjek 44-vjeçar është proceduar penalisht pas një kallëzimi nga një paciente, e cila e akuzon për mosrespektim të rregullave të etikës profesionale gjatë trajtimit në një spital në Tiranë.

Ngjarja ka ndodhur gjatë kohës që pacientja ishte paraqitur për një ndërhyrje mjekësore. Sipas njoftimit të Policisë, specialistët e Komisariatit Nr. 4 kanë referuar materialet në Prokurori dhe kanë nisur procedimin penal në ngarkim të mjekut A. Gj.

Në kallëzim, pacienteja pretendohet se nuk është trajtuar me respekt dhe sipas standardeve etike profesionale gjatë ndërhyrjes në spital.

Nën drejtimin e Prokurorisë vijon puna për sqarimin e plotë të rrethanave dhe për dokumentimin ligjor të këtij rasti.

“KORÇA BOOM”