top of page

SKËNDERBEU/ Gati ndaj Besës. Bardhekuqtë sot për 3 pikët e radhës dhe shkëputjen e madhe!

  • Writer: Korca Boom
    Korca Boom
  • Oct 24
  • 1 min read

Skënderbeu ka mbyllur ditën e djeshme përgatitjet anti-Besa dhe sot është gati për ndeshjen e javës së 8-të, një përballje që vlen vetëm tre pikë për bardhekuqtë.


Në një formë të shkëlqyer në 7-të javët e para Skënderbeu nuk ka ndërmend që të ndalet edhe pse përballë ka një skuadër si Besa që në fakt nuk është në formën e vet më të mirë, por kërkon kthesën e menjëhershme.


Madje kavajasit kanë deklaruar se vijnë për pikë në juglindje, por kanë haruar se kanë përballë skuadrën më të mirë të kësaj kategorie dhe që deri tani nuk ka falur asnjë ekip.


Pikërisht sot në orën 17:00, do të jetë një nga ndeshjet mes dy skuadrave me histori të madhe në futbollin shqiptar, por që Skënderbeu ka objektivin e vet dhe në rast fitoreje do të shkëputet edhe më shumë në krye të kategorisë së parë dhe thuajse do të “hipotekojë” kreun në vetëm pak javë.


Gjendja e skuadrës bardhekuqe është e mirë dhe tashmë Gjoka me të tijtë kanë bërë gati ndeshjen e sotme të orës 17:00.


A do ja dalin apo jo edhe sot “Ujqërit”! Kjo mbetet për tu parë, ndërkohë që pritet një numër i madh tifozësh sot në shkallët e stadiumit “Skënderbeu”.

“KORÇA BOOM”

ree

bottom of page