Skënderbeu që bëri histori – Ekipi që la gjurmë në Shqipëri dhe Europë

Sot i kthehemi një prej faqeve më të ndritura të historisë së futbollit shqiptar – atij Skënderbeu që nuk dominonte vetëm në kampionatin vendas, por guxoi të ëndërronte edhe në arenën ndërkombëtare.

Ishte sezoni 2017–2018. Një skuadër e ndërtuar me kujdes, me karakter dhe me dëshirë për të lënë gjurmë. Skënderbeu i asaj kohe nuk ishte thjesht një ekip – ishte një grup burrash që përfaqësonin më shumë se një klub; përfaqësonin krenarinë e një qyteti dhe shpresën e një kampionati të tërë.

Në portë, dhe më shumë se kaq, si lider i palëkundur, qëndronte Orges Shehi. Përpara tij, figura të forta si Marko Radaš, Bajram Jashanica, Tefik Osmani dhe Gledi Mici krijonin një mur mbrojtës të respektuar edhe në Europë. Në mesfushë, Bruno Dita dhe Sabien Lilaj sillnin ekuilibrin dhe kreativitetin, ndërsa në krahë dhe në sulm, James Adeniyi dhe Ali Sowe ishin shigjetat që kërcënonin çdo kundërshtar.

Dhe si të mos mjaftonin emrat, ishte edhe harmonia në fushë, puna e palodhur, besimi dhe përvoja. Kristi Vangjeli, Gjergji Muzaka, dhe shumë të tjerë, ishin pjesë e këtij kolektivi që e bëri Korçën kryefjalë të futbollit shqiptar për disa vite me radhë.

Ky Skënderbe nuk u ndal në kufijtë kombëtarë. Në arenën europiane, ata jo vetëm që konkurruan denjësisht, por arritën të kalojnë fazat e para të grupeve në Europa League, duke përballur skuadra të mëdha me dinjitet dhe shpirt gare.

Sot, ky ekip kujtohet jo thjesht për trofetë, por për një mënyrë loje, një qasje profesionale dhe një epokë që nuk harrohet lehtë.

“KORÇA BOOM”