SKËNDERBEU sot shansi i artë për shkëputje/ Ja 4 përballjet e sotme të kategorisë së parë
- Korca Boom
- Oct 4
- 1 min read
Sot është radha e Skënderbeut për të zbritur në fushë, ndërkohë që kategoria e parë ka nisur dje me dy takimet e para ku të dy rezultatet kanë qenë surprizë. Pogradeci është tronditur pas humbjes në shtëpi 2-3 me Luftëtarin dhe Laçi skuadra që po ndiqte hap pas hapi Skënderbeun, ka barazuar në shtëpi 1-1 me Apoloninë.
Këto dy rezultate kanë bërë që Skënderbeu sot të ketë shansin e madh për të filluar qysh në këtë moment shkëputjen, pasi nëse fiton sot ndaj Kukësit, ngjitet në kuotën e 16 pikëve dhe është diferencë e madhe, kur kujton që sot java e 6-të mbyllet me katër takimet e tjera.
Pas Skënderbeut në renditje janë Laçi me 10 pikë, Apolonia 9 pikë dhe Pogradeci 8 pikë, skuadra që i luajtën dje ndeshjet e tyre dhe nëse Skënderbeu fiton shkon të paktën 6 pikë larg vendit të dytë.
Ndeshja Skënderbeu-Kukësi starton sot në orën 14:00, ndërkohë që në të njëjtën orë luhen edhe ndeshjet e tjera, ku Lushnja do të presë Kastriotin, Burreli pret në shtëpi Korabin dhe Iliria do të përballet me Besën.
Sot e gjithë vëmendja është në Korçë, atje ku Skënderbeu padyshim ka në dorë vetë fatet e shkëputjes në renditje dhe të sigurojë një orë e më parë ngjitjen në superligë, atë që mezi e presin në juglindje.
JAVA 6
DJE
Pogradeci-Luftëtari 2-3
Laçi-Apolonia 1-1
SOT
ORA 14:00 Skënderbeu-Kukësi
ORA 14:00 Lushnja-Kastrioti
ORA 14:00 Burreli-Korabi
ORA 14:00 Iliria-Besa
“KORÇA BOOM”



















