SKËNDERBEU u dënua me 3 sesione merkato bllokim/ Ja çfarë do të ndodhë!

Në datën 4 gusht, pra thuajse 9 ditë më parë Komisioni i Disiplinës pranë FSHF-së dënoi Skënderbeun me 3 sesione merkato bllokim, pra në tre sesione merkato Skënderbeu nuk ka të drejtë të afrojë futbollistë.

Një vendim që në fakt bëri bujë të madhe. Ndërkohë që starti i kampionatit të ri të kategorisë së parë është në prag dhe të gjithë në qytetin juglindor janë të interesuar se çfarë do të ndodhë me dënimin.

Burime pranë portalit tonë “Korça Boom” mësojnë se Skënderbeu do të paguajë detyrimet e prapambetura dhe në këtë mënyrë do të federohen edhe afrimet në merkaton verore. Kujtojmë që deri tani janë afruar shumë lojtarë dhe sigurisht që të gjithë këta do të federohen dhe Skënderbeu do të shlyejë detyrimet dhe vendimin e Disiplinës për të qenë më pas skuadra favorite për t'u ngjitur në superligë.

Në këtë mënyrë tifozët bardhekuq duhet të qëndrojnë të qetë, pasi këtë sezon do të shikojmë një Skënderbe që nuk do të diskutojë ngjitjen në superligë dhe këtë thonë edhe drejtuesit e klubit që po bëjnë ç'është e mundur që të afrojnë deri në fund lojtarë cilësorë dhe që i bëjnë shumë punë ekipit jo vetëm për momentin, por duke menduar edhe për të ardhmen.

Ja vendimet:

-KF Skënderbeu, për dështim në ekzekutimin e vendimit nr. 1, datë 13.01.2023 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

-KF Skënderbeu, për dështim në ekzekutimin e vendimit nr. 4, datë 30.05.2023 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

-KF Skënderbeu, për dështim në ekzekutimin e vendimit nr. 6, datë 07.07.2023 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

“KORÇA BOOM”