Terror në taksi/ Pasagjeri kthehet në grabitës në mes të rrugës

Një person është arrestuar nga Policia e Shtetit pasi dyshohet se ka kanosur me mjet prerës një drejtues taksie dhe i ka grabitur një shumë parash, si edhe një varëse.

Ngjarja ka ndodhur këtë të enjte, rreth orës 14:30, në aksin rrugor Tiranë–Elbasan.

Sipas informacionit paraprak të policisë, i dyshuari ishte pasagjer në taksinë që drejtohej nga viktima. Gjatë udhëtimit, nën kërcënimin e një mjeti prerës, ai i ka marrë drejtuesit të mjetit një shumë parash dhe një varëse.

Menjëherë pas marrjes së njoftimit, shërbimet e policisë kanë organizuar veprimet për identifikimin dhe kapjen e autorit të dyshuar.

Falë reagimit të shpejtë të uniformave blu, autori i dyshuar është lokalizuar, neutralizuar dhe shoqëruar në ambientet e policisë.

Ndërkohë, vijojnë veprimet hetimore për zbardhjen e plotë të rrethanave të ngjarjes.

“KORÇA BOOM”