Thellimi i bashkëpunimit policor ndërkufitar për parandalimin e krimeve kufitare

Në kuadër të bashkëpunimit mes policive të Shqipërisë dhe Greqisë, drejtues të policisë nga Korça dhe rajonet përkatëse të Greqisë zhvilluan një takim zyrtar për të diskutuar sfidat dhe bashkëpunimin në luftën kundër krimit të organizuar ndërkufitar, sidomos në trafikimin e drogës dhe emigracionin e paligjshëm.

Në takim morën pjesë drejtues të policisë nga Korça, Kozani, Kastoria dhe Follorina, si dhe përfaqësues nga Konsullata e Shqipërisë në Selanik. U vlerësua shumë bashkëpunimi mes forcave policore të të dy vendeve dhe u theksua rëndësia e forcimit të marrëdhënieve për shkëmbimin e informacionit në kohë reale.

U dakordësua gjithashtu intensifikimi i takimeve rajonale ndërkufitare, që do të ndihmojnë në parandalimin dhe goditjen më efektive të krimeve, si dhe përmirësimin e shërbimeve për qytetarët në pikat e kalimit kufitar.

“KORÇA BOOM”