Tragjedi në fushë: Futbollisti ndërron jetë gjatë ndeshjes së Kupës

Një ngjarje tragjike tronditi futbollin portugez mbrëmjen e djeshme gjatë një ndeshjeje të Kupës Rajonale në Algarve. Nassur Bacem, mbrojtësi i majtë i LGC Moncarapachense, skuadër që militon në divizionin e katërt, humbi jetën pasi u rrëzua papritur në fushë në minutën e 27-të të takimit kundër Imortal.

Futbollisti 27-vjeçar, ish-pjesëtar i ekipit të të rinjve të Sporting Braga, pësoi një arrest kardiak të papritur. Stafet mjekësore të të dy ekipeve, së bashku me shërbimet e urgjencës, ndërhynë menjëherë, por pavarësisht përpjekjeve të gjata për ringjallje, Bacem u shpall i vdekur në vendngjarje.

Klubi i Moncarapachense konfirmoi lajmin përmes një deklarate prekëse, duke shprehur dhimbjen e thellë për humbjen dhe duke bërë thirrje për unitet dhe solidaritet në këtë moment zie për familjen, miqtë dhe gjithë komunitetin sportiv.

"KORCA BOOM"