Tym dhe flakë të mëdha, çfarë po ndodh në zonën industriale

Zjarr i madh në Shkozet, flakët përfshijnë një magazinë dhe një pjesë e zonës mbetet pa energji.

Një zjarr i madh ka përfshirë këtë pasdite një magazinë në zonën e Shkozetit në Durrës, duke shkaktuar shqetësim te banorët dhe bizneset përreth.

Menjëherë pas njoftimit, forcat zjarrfikëse kanë mbërritur në vendngjarje dhe po punojnë për izolimin e flakëve dhe shmangien e përhapjes së zjarrit në ambiente të tjera.

Deri në këto momente nuk dihen ende përmasat e dëmeve materiale dhe as shkaqet që kanë çuar në shpërthimin e zjarrit.

Sipas informacioneve paraprake, për shkak të ngjarjes një pjesë e konsiderueshme e qytetit të Durrësit raportohet se ka mbetur pa energji elektrike. Priten sqarime të mëtejshme nga autoritetet dhe operatori i energjisë për situatën.

Hetimet pritet të përcaktojnë edhe shkakun e zjarrit, ndërsa ndërhyrja e zjarrfikësve vijon për vënien nën kontroll të flakëve.

“KORÇA BOOM”