Të enjten përballja vendimtare: Ilir Meta kërkon të lirohet nga paraburgimi

Gjykata e Posaçme Kundër Korrupsionit dhe Krimit të Organizuar (GJKKO) ka caktuar datën 8 gusht, ora 10:00, për shqyrtimin e kërkesës së ish-Presidentit Ilir Meta për zëvendësimin e masës së sigurisë “arrest në burg”.

Kërkesa u dorëzua nga avokatët e tij më 6 gusht, me arsyetimin se Prokuroria e Posaçme (SPAK) ka përfunduar hetimet dhe, sipas tyre, nuk ekziston më baza procedurale për mbajtjen në paraburgim.

Meta është marrë i pandehur pak ditë më parë, në lidhje me disa akuza për korrupsion. Konkretisht, ai akuzohet për:

• përfshirje në aferën CEZ-DIA,

• përfitim vlerash monetare në këmbim të influencës për një kompani telekomunikacioni,

• marrëdhënie korruptive me një biznesmen,

• kontrata lobimi në SHBA,

• pastrim parash dhe

• mosdeklarim të shpenzimeve mjekësore në periudhën 2013–2019.

• 
  

SPAK ka ngritur akuza të ngjashme edhe ndaj deputetes Monika Kryemadhi dhe ish-kreut të AKEP, Pirro Xhixho. Ndryshe nga Meta, ata po hetohen në gjendje të lirë.

Avokati i Metës, Kujtim Cakrani, tha se në përfundim të hetimeve nuk u paraqitën prova të reja, ndërsa mbrojtja do të kërkojë një proces të zakonshëm dhe jo të shkurtuar.

“KORÇA BOOM”