Ujë i pijshëm për 4500 banorë – starton investimi madhor në Trebinjë

Prefekti i Qarkut Korçë, Nertil Jole, së bashku me kryetarin e Bashkisë së Pogradecit, Ilir Xhakolli, kanë inspektuar kantierin e punimeve për ndërtimin e rrjetit të ri të ujësjellësit në njësinë administrative Trebinjë.

Ky projekt jetik për komunitetin përfshin ndërtimin e një rrjeti modern furnizimi me ujë të pijshëm dhe parashikon shtrimin e 70 kilometrave tubacione liniare, hapjen e 10 kilometrave rrugë të reja dhe ndërtimin e 8 depozitueseve të ujit.

Investimi prej 496,317,000 lekësh me TVSH është financuar nga qeveria shqiptare përmes Agjencisë Kombëtare të Ujësjellës-Kanalizimeve dhe Mbetjeve të Ngurta. Afati maksimal për përfundimin e punimeve është 15 muaj.

Pas realizimit të këtij projekti, 8 fshatra të njësisë Trebinjë, me rreth 4500 banorë, do të kenë akses të sigurt dhe cilësor në ujë të pijshëm.

“KORÇA BOOM”