Varianti i ri i Covid-19 dominues në SHBA, rriten rastet edhe në vendet e tjera

Një variant i ri i Covid-19, i identifikuar si KP.2, është bërë tashmë dominues në Shtetet e Bashkuara të Amerikës, sipas të dhënave të fundit nga Qendrat për Kontrollin dhe Parandalimin e Sëmundjeve (CDC). Ky nën-variant i familjes Omicron po përhapet me shpejtësi dhe është bërë shkaku kryesor i infeksioneve të reja në disa rajone të botës.

Ekspertët shëndetësorë paralajmërojnë se ky variant ka një shkallë më të lartë transmetimi, edhe pse simptomat e shkaktuara deri më tani duken të jenë të ngjashme me ato të varianteve të mëparshme. Në shumë vende evropiane dhe aziatike po raportohen rritje të ndjeshme të rasteve të reja, duke shkaktuar shqetësime për një valë të mundshme të re gjatë muajve të verës.

Organizata Botërore e Shëndetësisë (OBSH) dhe autoritetet shëndetësore kombëtare po monitorojnë nga afër situatën, ndërsa qytetarëve u bëhet thirrje të ruajnë kujdesin, sidomos ata me imunitet të dobët ose sëmundje shoqëruese.

“KORÇA BOOM”