Vodhën produkte kozmetike, pranga dy grave nga Greqia

Ministria e Punëve të Brendshme e Maqedonisë së Veriut njofton se më 15.02.2026, rreth orës 19:00, zyrtarë policorë nga Sektori për Punë të Brendshme Shkup kanë arrestuar dy shtetase të Republikës së Greqisë, 46-vjeçaren E.P. dhe 26-vjeçaren G.G.

Ato dyshohen se më 14.02.2026, gjatë periudhës 18:15–18:35, kanë vjedhur disa produkte kozmetike nga një pikë shitjeje në një qendër tregtare në zonën e komunës së Aerodromit në Shkup.

Pas dokumentimit të plotë të ngjarjes, ndaj të arrestuarave do të ngrihet kallëzim penal përkatës, ndërsa materiali i plotë procedurial është dorëzuar në prokurori për veprime të mëtejshme.

Autoritetet theksojnë se veprimet e policisë synojnë parandalimin e veprave të tilla dhe ruajtjen e sigurisë së qytetarëve dhe bizneseve në Shkup.

"KORCA BOOM"