VOLEJ FEMRA/ Skënderbeu provë force ndaj Tiranës. Pogradeci ndeshje të lehtë ndaj Korabit!

Pas javës së dytë të superligës në volejboll për femra, javë që dhuroi derbin juglindor Skënderbeu-Pogradeci dhe që u fitua 2-3 nga pogradecaret, java e tretë e kampionatit vjen këtë fundjavë me ndeshjet e radhës.

Skënderbeu në volejboll për femra në bazë të shortit, ka një përballje më shumë se të vështirë, pasi luan në transfertën e kryeqytetit ndaj Tiranës. Tirana-Skënderbeu është ndeshja e orës 17:00 ditën e shtunë, ndërkohë që kryeqytetaset ndodhen në kuotën e 5 pikëve, ndërkohë që Skënderbeu ka 4 pikë. Një provë vërtet force për Skënderbeun këtë javë.

Nga ana tjetër Pogradeci luan po të shtunën, por në shtëpi dhe do të presë Korabin, skuadër që ka 0 pikë deri në këto momente. Një ndeshje e lehtë në letër dhe pogradecaret do të kërkojnë një fitore të pastër për të vijuar në vendet e kreut.

Superligën në volejboll për ferma pas dy javëve të para e kryeson Dinamo me 6 pikë të plota.

Ndeshjet e javës së 3-të:

E Premte (26 shtatir 2025)

Vllaznia-Dinamo

Partizani-Teuta

E Shtunë (27 shtator 2025)

Pogradeci-Korabi

Tirana-Skënderbeu

“KORÇA BOOM”