VOLEJ FEMRA/ Sot derbi i juglindjes, Skënderbeu-Pogradeci gjysëmfinalja e Kupës së Federatës
- Korca Boom
- Sep 6
- 1 min read
Sot është radha e femrave të volejbollit për të zbritur në parket dhe bie në sy përballja e sotme e derbit juglinor, ajo mes Skënderbeut dhe Pogradecit.
Kupa e Federatës luhet në kryeqytet dhe në palestrën e Farkës luhen dy gjysëmfinalet e femrave, teksa gjysëmfinalja e parë sot është ajo mes Skënderbeut dhe Pogradecit, një përballje interesante dhe me plot emocione që do të startojë në orën 16:00.
Më pas në orën 19:00 do të përballen Tirana dhe Partizani, pra derbi i kryeqytetit. Dy ndeshje derbi do të luhen sot në kryeqytet, ndërkohë që më pas një ditë më vonë do të luhet edhe finalja që do të dalë mes këtyre dy çifteve.
Tepër interesante është përballja Skënderbeu-Pogradeci, ku pritet me interes të shikojmë këto dy ekipe, ku Pogradeci padiskutim duket se ka ngritur një skuadër për titullin kampion dhe duhet të shikojmë edhe Skënderbeun me shumë ndryshime sesi do të jetë në prezantimin e tij të parë.
Fitoftë më i miri sot në kryeqytet në derbin e juglindjes.
“KORÇA BOOM”




















