Zbulime të reja nga operacioni i madh kundër trafikut të qënieve njerëzore

Detaje të reja kanë dalë nga operacioni ku u godit një rrjet prostitucioni në Tiranë. Burime bëjnë me dije se grupi kishte bazën në një hotel në kryeqytet, pranë zonës së njohur si "Tregu Çam".

Drejtuesi i grupit në Shqipëri është një shtetas kolumbian i quajtur Lukas Giraldo Bentacur, ndërsa babai i tij, Giraldo Bentacur, është organizatori kryesor i rrjetit në nivel europian. Ai drejtonte disa rrjete prostitucioni në disa vende të Europës dhe njihet si një nga figurat më të njohura të krimit të organizuar në Kolumbi.

Për arrestimin e tij në Kolumbi, kanë udhëtuar edhe oficerë nga Policia Shqiptare, të cilët e kanë finalizuar ndalimin në bashkëpunim me autoritetet vendase.

Në qytetin e Medelinit ndodhen një grup përfaqësuesish nga autoritetet shqiptare, përfshirë zëvendësdrejtorin e Policisë së Tiranës, shefin e sektorit kundër trafiqeve dhe narkotikëve, si dhe prokurorin e çështjes, të cilët kanë marrë pjesë në operacionin e përbashkët.

“KORÇA BOOM”