Zëvendëskryeministrja në qendër të hetimeve: Fletëthirrja e dytë e SPAK-ut

Zëvendëskryeministrja dhe ministrja e Infrastrukturës dhe Energjisë, Belinda Balluku, ka marrë fletëthirrjen e dytë nga Prokuroria e Posaçme (SPAK), pasi nuk u paraqit në seancën e parë ku do të njihej me akuzat zyrtare ndaj saj.

Balluku publikoi një video nga Bukureshti, ku ndodhej në një takim për energjinë me homologun rumun. Mungesa e saj në Tiranë ka shkaktuar reagim të menjëhershëm nga prokurori i çështjes, Dritan Prençi, i cili vendosi t’i dërgojë ministres një thirrje të re në adresën e Ministrisë së Infrastrukturës dhe Energjisë.

Në këtë fletëthirrje të dytë, SPAK i njofton Ballukut se duhet të paraqitet brenda kësaj jave, e shoqëruar nga avokati i saj. Paralajmërohet gjithashtu se në rast të mosparaqitjes, ajo do të shoqërohet me forcë.

Zyrtarisht, Balluku është nën hetim për “shkelje të barazisë në tenderat publikë”. Hetimet janë pjesë e një dosjeje të gjerë që lidhet me procedurat e tenderimeve në institucionet që ajo ka drejtuar, pas arrestimit të disa ish-vartësve të saj në Ministri dhe në Entin Kombëtar të Rrugëve.

"KORCA BOOM"