“Çmendet” moti, stuhia përfshin Korçën

“Çmendet” moti në juglindje të vendit. Pas temperaturave të larta që kanë shoqëruar ditët e fundit, Korça është përfshirë mbrëmjen e kësaj të diele nga reshje intensive shiu dhe stuhi.

Reshjet kanë nisur papritur dhe kushtet atmosferike në qytet kanë ndryshuar brenda pak minutash.

Pamjet e raportuara nga Korça tregojnë intensitetin e reshjeve që përfshinë qytetin gjatë mbrëmjes së sotme.

Moti i keq nuk është kufizuar vetëm në qytetin e Korçës. Gjatë pasdites, reshje të dendura shiu dhe breshër kanë përfshirë edhe zonën e Maliqit, kryesisht fshatrat e fushës.

Në Maliq, stuhia ka zgjatur rreth një orë, ndërsa reshjet e breshërit kanë vijuar për disa minuta. Deri tani nuk ka një bilanc për dëmet e mundshme në bujqësi.

“KORÇA BOOM”