45 vite në shërbim të fëmijëve: Sot feston zonja e bardhë e pediatrisë korçare, Viollanda Remaçka

Një përvjetor i veçantë për mjeken pediatre Viollanda Remaçka, e cila prej më shumë se 45 vitesh ka qenë në shërbim të fëmijëve të sëmurë dhe familjeve të tyre, me përkushtim, profesionalizëm dhe ndjeshmëri njerëzore.

Gjatë karrierës së saj të gjatë dhe të ndritur, ajo ka dhënë një kontribut të çmuar jo vetëm si mjeke pediatre, por edhe si drejtuese institucioni, duke treguar vlera të larta menaxhuese dhe etike profesionale. Prania e saj në spitale dhe qendra shëndetësore ka qenë një garanci për kujdesin cilësor dhe të përgjegjshëm ndaj shëndetit të fëmijëve.

Mjekja Remaçka është vlerësuar gjithmonë për qetësinë, përkushtimin dhe humanizmin që e karakterizojnë, duke lënë gjurmë të pashlyeshme në breza të tërë pacientësh dhe kolegësh.

Në këtë ditë të veçantë, i urojmë shëndet, gëzim dhe vite të lumtura, me mirënjohjen më të thellë për një jetë në shërbim të njerëzve dhe vlerave më të mira të profesionit të mjekut.

Gëzuar ditëlindjen, dr. Viollanda!

“KORÇA BOOM”