AKSIDENT/ Makina del nga rruga, 3 të plagosur

Një aksident është regjistruar pasditen e sotme në Fier, në zonën e Mbikalimit të Spitalit Memorial.

Ngjarja ka ndodhur rreth orës 16:50, ku një automjet tip “Volkswagen”, me drejtues shtetasin me inicialet I. Sh., ka humbur kontrollin dhe ka dalë nga rruga.

Për pasojë, drejtuesi i mjetit dhe dy pasagjerët që udhëtonin me të kanë mbetur të plagosur.

Të tre janë transportuar në Spitalin Rajonal të Fierit për të marrë ndihmën mjekësore.

Sipas informacioneve paraprake, gjendja e tyre shëndetësore është jashtë rrezikut për jetën.

Ndërkohë, grupi hetimor dhe shërbimet e Policisë ndodhen në vendngjarje dhe po punojnë për të përcaktuar shkaqet dhe rrethanat e aksidentit.

“KORÇA BOOM”