Alma Qeramixhi / Kampionia dhe rekordmenia korçare në 7-garësh, një krenari e heshtur por e madhe për qytetin

Alma Qeramixhi (lindi më 14 nëntor 1963, në Korçë) është një nga sportistet më të njohura të qytetit juglindor, një prej figurave më të respektuara në atletikën shqiptare dhe një simbol i vërtetë i përkushtimit sportiv.

Emri i saj është shkruar me përulësi, por me shkronja të mëdha në historinë e sportit korçar dhe më gjerë. Alma Qeramixhi, kampionia dhe rekordmenia e disiplinës së vështirë dhe komplekse të 7-garëshit, është jo vetëm një sportiste që ka fituar medalje dhe rekorde, por mbi të gjitha një simbol i përkushtimit, punës dhe karakterit.

Ajo ka dhënë gjithçka në pistë për Korçën, për fanellën që ka mbajtur me krenari dhe për vlerat që ka përfaqësuar pa zhurmë, por me shumë dinjitet.

Në një kohë kur shpesh lavdërohen të përkohshmit, figura si Alma Qeramixhi na kujtojnë se krenaria e vërtetë ndërtohet me vite sakrificash, jo me një moment të vetëm. Ajo mbetet një emër që frymëzon brezat e rinj dhe meriton jo vetëm duartrokitje, por edhe kujtesë.

Në vitin 1990, gjatë një gare zyrtare të zhvilluar në Tiranë, Alma Qeramixhi vendosi rekordin kombëtar në 7-garësh me 5553 pikë – një rezultat i jashtëzakonshëm që mbetet rekordi zyrtar shqiptar në këtë disiplinë edhe sot e kësaj dite.

Në të njëjtën garë, ajo shënoi edhe performanca të larta në disa nga disiplinat individuale që përbëjnë 7-garshin:

• 100 metra me pengesa: 14.3 sekonda (kohë me dorë)

• Kërcim larti : 1.76 metra

• Kërcim së gjati (: 5.68 metra

• 200 metra: 26.2 sekonda (kohë me dorë)

• 
  

Ky rezultat është jo vetëm një arritje e jashtëzakonshme në karrierën e saj, por edhe një gur themeli në historinë e atletikës shqiptare.

“KORÇA BOOM”