Ambasadori i Italisë z. Marco Alberti sot në gjimnazin “Themistokli Gërmenji”

Faqja zyrtare e gjimnazit “Themistokli Gërmenji” shkruan:

"Pritëm sot në ambientet e gjimnazit Ambasadorin e Italisë z. Marco Alberti.

Momentet e para të takimit ua kushtoi nxënësve të seksionit dygjuhësh italo-shqiptar.

Në një bisedë të ngrohtë vlerësoi bashkëpunimin e shkëlqyer mes dy vendeve tona referuar historisë dhe realitetit aktual. Dëshiroi të zbulonte pasionet e nxënësve tanë dhe të njihej me planet mbi të ardhmen, mundësitë e shkollimit në Itali për t'u formuar profesionalisht dhe për t'u rikthyer për të kontribuar në zhvillimin e duhur të vendit tonë në rrugëtimin drejt Europës, duke besuar te forca dhe energjia e rinisë.

Mesazhet e Ambasadorit ishin frymëzuese për nxënësit tanë.

Më pas në një bisedë në drejtori mes mësuesve italianë dhe shqiptarë që japin mësim në klasat e seksionit dygjuhësh vlerësoi punën përkushtuese dhe kujdesin e treguar ndaj nxënësve."

“KORÇA BOOM”