Ata nuk ishin vetëm trajnerë kampionësh e rekordmenësh/ Ishin edukatorë me zemër, mësues që mbollën pasionin për sportin te breza të tërë nxënësish

Në këtë foto të vitit 1989 janë të paraqitur mësuesit e Edukimit Fizik të gjimnazit “Themistokli Gërmenji”, një shkollë që ndër vite është dalluar jo vetëm për nivelin akademik, por edhe për kontributin e jashtëzakonshëm në formimin e sportistëve cilësorë.

Këta janë njerëzit që, përveçse profesionistë të shkëlqyer në fushën e tyre, kanë lënë gjurmë të thella në memorien e mijëra nxënësve që kanë kaluar nga bankat e kësaj shkolle.

Në foto janë: Tomi Stefallari, Nikoleta Kotelli, Anthi Marashi, Thoma Kostallari, Ilo Jorgji, Kiço Nuke, Ahmet Lika, Natasha Bitraku dhe Llazi Pula.

Disa prej tyre, fatkeqësisht, nuk janë më mes nesh. Por trashëgimia që lanë pas — puna, përkushtimi dhe shembulli i tyre — i bën të pavdekshëm në kujtimet e çdo nxënësi dhe sportisti që ka pasur fatin t’i njohë.

Emra të mëdhenj, figura të paharrueshme, që do të mbeten gjithmonë në historinë e gjimnazit “Themistokli Gërmenji” dhe në zemrat e të gjithëve ne.

“KORÇA BOOM”