Bardhekuq për sezonin e ri, Skënderbeu afron Mario Lugajn

Klubi Sportiv Shumësportësh Skënderbeu ka zyrtarizuar marrëveshjen me volejbollistin Mario Lugaj, i cili do të jetë pjesë e ekipit të volejbollit për meshkuj për sezonin sportiv 2026–2027.

Lugaj aktivizohet në pozicionin Outside Hitter dhe vjen te Skënderbeu me ambicie dhe dëshirën për të dhënë kontributin e tij në objektivat e skuadrës për sezonin e ri.

Me cilësitë dhe potencialin e tij, volejbollisti pritet të jetë një vlerë e shtuar për ekipin bardhë e kuq dhe një element i rëndësishëm në projektin e Skënderbeut.

Klubi korçar vijon të ndërtojë skuadrën për sezonin e ri, me synimin për të qenë protagonist dhe për të arritur objektivat e vendosura.

Mirë se erdhe, Mario!

“KORÇA BOOM”