Bie çmimi i naftës, investitorët marrin shenja lehtësimi

Çmimet e naftës ranë ndjeshëm dhe tregjet e aksioneve u rimëkëmbën pas deklaratave të ish-presidentit amerikan Donald Trump, i cili njoftoi se SHBA dhe Irani kishin zhvilluar bisedime “shumë të mira dhe produktive” për të parandaluar një konflikt në Lindjen e Mesme.

Pas këtij njoftimi, çmimi i naftës së papërpunuar Brent ra fillimisht me 13%, ndërsa indeksi britanik FTSE 100 u rikuperua pasi kishte shënuar një rënie mbi 2%, sipas raportimeve të BBC-së.

Trump deklaroi përmes rrjeteve sociale se do të “shtyjë çdo sulm ushtarak kundër centraleve elektrike dhe infrastrukturës energjetike iraniane” për një periudhë pesë-ditore.

Të shtunën, ish-presidenti kishte paralajmëruar se do të “shkatërronte” termocentralet iraniane nëse rruga kryesore e transportit detar të Ngushticës së Hormuzit nuk do të rihapej. Përkundrejt kësaj, Irani kishte reaguar se do të merrte masa ndaj infrastrukturës kyçe në rajon.

“KORÇA BOOM”