Devolli nuk ndalet në merkato: Ekipi synon ngjitjen, afrohet portieri Jurgest Beqiri

Devolli po vazhdon të përforcohet me ritme të shpejta, duke ndërtuar me kujdes një skuadër ambicioze që synon ngjitjen në një kategori më lart. Lëvizjet në merkato nuk janë të rastësishme, por pjesë e një strategjie të qartë për të ndërtuar një ekip konkurrues dhe cilësor, që të përfaqësojë denjësisht qytetin dhe objektivat e klubit.

Një nga goditjet më të forta në këtë merkato është afrimi i portierit të talentuar Jurgest Beqiri, i cili vjen nga eksperienca e tij me Pogradecin. Beqiri është i njohur për cilësitë e tij në portë, ndërhyrjet vendimtare dhe qetësinë që transmeton në prapavijë – një prurje me vlerë për çdo skuadër që kërkon stabilitet dhe siguri në mbrojtje.

Presidenti dhe drejtuesit e klubit, përmes zërit të ekzekutivit Ermir Lukra, kanë bërë të qartë se ky është vetëm fillimi. , Lukra u shpreh: “Ky është një tjetër afrim në vazhdën e përforcimeve që kemi bërë. Jurgest është futbollisti i katërt që i bashkohet Devollit këtë verë, dhe do të vijojnë edhe të tjerë. Jemi të vendosur të ndërtojmë një ekip të denjë, sepse tashmë kemi deklaruar hapur misionin dhe vizionin tonë për këtë sezon.”

Ekipi i Devollit ka dhënë sinjale serioze se nuk po ndërton thjesht për të mbijetuar, por për të luftuar për një vend më të lartë në hierarkinë e futbollit shqiptar. Me afrime si ajo e Beqirit dhe me plane afatgjata, duket se klubi ka kthyer një faqe të re në historinë e tij.

Devolli po vazhdon të përforcohet me ritme të shpejta, duke ndërtuar me kujdes një skuadër ambicioze që synon ngjitjen në një kategori më lart. Lëvizjet në merkato nuk janë të rastësishme, por pjesë e një strategjie të qartë për të ndërtuar një ekip konkurrues dhe cilësor, që të përfaqësojë denjësisht qytetin dhe objektivat e klubit.

“KORÇA BOOM”