Do t’i ngremë lart vlerat e tua”/ Edlira dhe fëmijët nderojnë Gerti Bogdanin në përvjetor

Sot shënohet një vit nga ndarja e papritur nga jeta e ish-deputetit të Partisë Demokratike, Gerti Bogdani, i cili u largua pas një arresti kardiak, duke lënë pas një boshllëk të madh në familje, miq dhe politikën shqiptare.

Në këtë ditë përkujtimore, bashkëshortja e tij, aktivistja Edlira Çepani, ka ndarë një mesazh prekës në rrjetet sociale, ku shpreh se dhimbja e humbjes nuk zbehet me kalimin e kohës:

“1 vit pa ty Gert! Duket edhe si një përjetësi, por edhe sikur ishte dje që na dhe përqafimin e fundit… Çdo ditë e çdo vit pa ty do duket si një përjetësi.”

Ajo thekson se pavarësisht dhimbjes së thellë, ajo dhe fëmijët do të vazhdojnë misionin e Gertit, duke e mbajtur gjallë kujtimin dhe vlerat për të cilat ai luftoi.

“Do t’i ngremë lart gjithë vlerat dhe kauzat për të cilat ti luftove fort, deri sa të kemi jetë! Të duam pafund e do jemi çdo ditë plot mall, deri ditën kur të takohemi sërish, drita jonë,” – shkruan Edlira.

Në postim, prekin edhe fjalët e dy fëmijëve, të cilët me dashuri i drejtohen babait të tyre:

“Të duam babi! Ti gjithmonë do të jesh shkëmbi ynë! Ne gjithmonë do të jemi ‘katërshja fantastike’ dhe e dimë që ti ende na buzëqesh nga qielli!”

Ky përvjetor rikthen në vëmendje figurën e Gerti Bogdanit si politikan, familjar dhe njeri që la gjurmë te të gjithë ata që e njohën, duke e bërë kujtimin e tij të paharrueshëm.

“KORÇA BOOM”