“Do të të vr*s sonte”/ Detaje të reja nga vrasja e shqiptares në Itali, gruaja u gjet me shenja të rrahjeve nga policia

Një grua u gjet e vdekur në një shtëpi në Pianello Vallesina, një fshat i vogël i Monte Roberto, në provincën e Ankonës në Itali. Sipas raportimeve fillestare, ajo ishte rrahur për vdekje. Emri i saj ishte Sadjide Muslija, 49 vjeçe, shqiptare me origjinë nga Maqedonia e Veriut.

Sipas mediave italiane ajo ishte abuzuar disa herë gjatë vitit nga bashkëshorti i saj, Nazif Muslija, gjithashtu 50 vjeç, nga Maqedonia e Veriut. Burri, i cili aktualisht është në kërkim, dyshohet për femicid, ishte arrestuar prillin e kaluar pas një sulmi tjetër ndaj gruas së tij.

Në atë rast, bashkëshorti i kishte thyer derën e dhomës së gjumit me një sëpatë ndërsa ajo ishte strehuar në shtëpinë e fqinjëve.

Ai i kishte thyer telefonin celular dhe i kishte bërtitur: “Do të të vras sonte”, duke e akuzuar se dyshonte se ajo e kishte tradhtuar. Pasi ajo iku, Muslija shkoi në shtëpinë e të dashurit të tij të dyshuar, duke thyer derën edhe pse nuk kishte askënd në shtëpi. Më pas ai u kthye në shtëpi dhe u ndalua nga karabinierët.

Në korrik, burri kishte rënë dakord për një marrëveshje pranimi fajësie.

Çifti më pas u rikthye në bashkëjetesë. Viktima kishte thënë se i ishte nënshtruar dhunës fizike nga bashkëshorti i saj për dy vjet.

Gruaja nuk ishte paraqitur në punë këtë mëngjes, kështu që punëdhënësi i saj bëri një denoncim. Vonë atë mëngjes, karabinierët shkuan në shtëpinë e Muslijas dhe e gjetën të vdekur. Ajo ishte pa jetë, e shtrirë në shtrat, me shenja të rrahjeve të rënda. 

“KORÇA BOOM”