E FUNDIT/ ARRESTOHET "Çekiçi 14". Nuk i ndaloi policisë në aksin “Qafë Plloçë-Qukës”

Një video e bërë virale dy ditë më parë, ku "Çekiçi 14" po ngiste makinën dhe nuk i ndalonte policisë bëri që blutë të arrestojnë të famshin e Korçës, Kostandin Dramolli ose siç njihet "Çekiçi 14".

Të gjithë e mbajnë mend momentin kur "Çekiçi 14" goditi me gurë edhe Bashkinë e Korçës. Gjithsesi edhe pse i famshëm ai është arrestuar pasi këtë herë nuk i ndaloi policisë.

Ja njoftimi i policisë:

Drejtoria Vendore e Policisë Korçë

Oficeri i Policisë Gjyqësore arrestoi në flagrancë shtetasin K. D., 27 vjeç, banues në Korçë, pasi në aksin “Qafë Plloçë-Qukës”, nuk i është bindur urdhrit të punonjësit të Policisë Rrugore, për të ndaluar automjetin.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“KORÇA BOOM”