EKSKLUZIVE: Bismark dhe Nasr/ Zbardhet e vërteta pas zërave të merkatos

Gjatë ditëve të fundit, disa media sportive kanë raportuar për një interes të mundshëm të klubit të Egnatias për dy lojtarët e Skënderbeut, Bismark dhe Nasr. Sipas këtyre lajmeve, drejtuesit rrogozhinas ishin në tratativa për t’i afruar sulmuesit në këtë merkato vere. Por burime të sigurta pranë klubit të Egnatias hedhin poshtë këto zëra dhe sqarojnë situatën.

Asnjë kontakt me lojtarët apo Skënderbeun

Sipas informacioneve të konfirmuara nga burime të besueshme, drejtuesit e Egnatias nuk kanë zhvilluar asnjë kontakt me lojtarët Bismark dhe Nasr, dhe as me drejtuesit e Skënderbeut. Klubi korçar nuk ka marrë asnjë kërkesë zyrtare për ta, ndërkohë që asnjëri nga lojtarët nuk është në bisedime për një largim të menjëhershëm nga skuadra.

Egnatia me merkato të hapur, por me objektiva të tjerë

Nga sa mësohet, Egnatia është aktive në treg dhe pritet që shumë shpejt të zyrtarizojë afrimin e një tjetër sulmuesi, i cili nuk është as Bismark dhe as Nasr. Identiteti i tij ende nuk është bërë publik, por gjithçka pritet të zyrtarizohet brenda pak ditësh.

“KORÇA BOOM”