Ekskluzive/ Mesfushori korçar Rei Pecani vijon aventurën me Kukësin – nuk rikthehet në Korçë

Mesfushori i talentuar korçar Rei Pecani do të jetë pjesë e ekipit të Kukësit edhe për sezonin e ri futbollistik. Pasi luajti sezonin e kaluar si i huazuar nga Skënderbeu, duket se lojtari nuk do të rikthehet në qytetin e tij të lindjes, por do të vazhdojë të mbajë veshur fanellën e kuksianëve.

Vendimi për të qëndruar në Kukës vjen pas një sezoni shumë pozitiv për mesfushorin e ri, i cili ka qenë një nga lojtarët më të rëndësishëm të formacionit dhe titullar i padiskutueshëm.

Performanca e tij në mesfushë ka tërhequr vëmendjen e drejtuesve të klubit verilindor, të cilët kanë arritur marrëveshjen për ta mbajtur në ekip edhe për sezonin 2025–2026.

Pritet që Pecani të luajë një rol kyç në skemën e trajnerit, duke qenë në dispozicion të ekipit gjatë gjithë sezonit dhe duke ndihmuar Kukësin në synimet e tij për rezultate më të mira në kampionat.

Ky është një hap i rëndësishëm në karrierën e mesfushorit të ri, i cili shihet si një nga prurjet më premtuese të futbollit shqiptar në vitet e fundit.

“KORÇA BOOM”