Emëruar në korrik, largohet në shtator, çfarë e detyroi Spahon të lërë QSUT-në?

Florenc Spaho ka dhënë dorëheqjen nga detyra e drejtorit të Qendrës Spitalore Universitare “Nënë Tereza” në Tiranë. Vendimi i tij vjen vetëm dy muaj pas emërimit në krye të institucionit më të madh shëndetësor në vend.

Ende nuk janë bërë publike arsyet e dorëheqjes së Spahos, ndërsa burime pranë QSUT-së bëjnë me dije se në vend të tij do të emërohet Anxhela Paparizo. Ajo pritet të marrë drejtimin e qendrës në ditët në vijim.

Spaho u emërua në këtë pozicion në korrik 2025, duke zëvendësuar ish-drejtoreshën Albana Fico. Mandati i tij u shoqërua me disa sfida në sistemin shëndetësor, përfshirë menaxhimin e kapaciteteve spitalore dhe shërbimeve ndaj pacientëve, por nuk janë dhënë detaje zyrtare nëse dorëheqja është për arsye personale apo për ndonjë konflikt institucional.

Ndërrimi i shpeshtë i drejtuesve në krye të QSUT-së vjen në një kohë kur sistemi shëndetësor ndodhet në një moment të ndjeshëm, për shkak të presioneve të mëdha mbi shërbimet spitalore dhe nevojës për reforma strukturore.

“KORÇA BOOM”