Flakët sulmojnë shtëpinë private: Dëme të mëdha materiale

Një banesë u shkrumbua nga flakët pasditen e së premtes në Pogradec, në lagjen numër 3.

Sipas raportimeve, zjarri dyshohet të ketë nisur nga oxhaku i banesës private. Fatmirësisht, nuk raportohet për persona të lënduar, por flakët kanë shkaktuar dëme të konsiderueshme materiale.

Forcat e zjarrfikëses kanë mbërritur në vendngjarje dhe kanë ndërhyrë për të shuar zjarrin dhe për të parandaluar përhapjen e tij në banesat përreth.

Ngjarja është nën hetim nga autoritetet lokale për të përcaktuar shkakun e saktë të zjarrit.

“KORÇA BOOM”