Flini me bark bosh – ose ushqeni sëmundjen.

Ky është thelbi i një qasjeje që po fiton gjithnjë e më shumë vëmendje në botën e mjekësisë: kronobiologjia – shkenca që studion ritmet natyrore të trupit dhe ndikimin e tyre në shëndet.

Sipas kësaj disipline, mënyra dhe momenti kur hamë kanë po aq rëndësi sa edhe vetë përbërja e ushqimit. Trupi i njeriut funksionon sipas një cikli 24-orësh të quajtur ritëm cirkadian, që ndikon në mënyrën si funksionojnë qelizat tona, si prodhohen hormonet dhe si kryhen proceset e detoksifikimit dhe riparimit të organizmit.

Në darkë, veçanërisht pas orës 20:00, trupi ka nevojë për qetësi dhe errësirë. Gjatë kësaj periudhe, shumica e qelizave reduktojnë aktivitetin e ndarjes dhe fokusohen në riparim dhe mirëmbajtje. Organet si mëlçia, truri, zorra dhe sistemi imunitar funksionojnë sipas një orari biologjik që përfitojnë maksimalisht nga pushimi, jo nga tretja.

Por çfarë ndodh kur ne hamë natën?

Ushqimi i vonë ndikon negativisht në ritmin e trupit. Insulina rritet, proceset e pastrimit ndërpriten, dhe prodhimi i melatoninës – hormonit të gjumit dhe rigjenerimit – bie ndjeshëm. Kjo krijon një terren të favorshëm për rritjen e qelizave të dëmshme, përfshirë edhe ato kancerogjene, të cilat nuk respektojnë orën biologjike dhe përdorin glukozën si “karburant” për t’u zhvilluar.

Studimet tregojnë se ata që hanë pas orës 20:00 kanë një rrezik 2–3 herë më të lartë për mbipeshë, diabet dhe disa forma të kancerit. Prandaj, një nga strategjitë më të thjeshta, por më të fuqishme për të ruajtur shëndetin, është agjërimi i natës.

Çfarë rekomandojnë ekspertët:

• Mos konsumoni ushqim pas orës 20:00

• Lejoni të paktën 12 deri në 14 orë agjërim gjatë natës

• Fli në errësirë të plotë dhe në një ambient të qetë

• Ndihmo trupin të riparohet, jo të angazhohet në tretje

  
  

Kjo nuk është thjesht një dietë, por një stil jetese. Më pak darkë, më shumë jetë.

“KORÇA BOOM”