Formula 1 rikthehet në Evropë – Gara e radhës në Red Bull Ring, Austri

Pas një ndalesë emocionuese në Kanada, kampionati botëror i Formula 1 rikthehet në pistat evropiane me Çmimin e Madh të Austrisë, që zhvillohet këtë fundjavë në qarkun e njohur të Red Bull Ring në Spielberg. Kjo është gara e njëmbëdhjetë në kalendarin e sezonit 2025.

Fundjava e garës do të mbahet më 27, 28 dhe 29 qershor dhe do të ndiqet me interes të lartë nga tifozët në të gjithë kontinentin. Të gjitha sesionet janë të planifikuara në orare shumë të përshtatshme për shikuesit në Evropë, përfshirë Shqipërinë, pasi jemi brenda të njëjtës zonë kohore.

Kjo fundjavë garash do të zhvillohet sipas formatit klasik, me tre seanca praktike, kualifikimet dhe më pas garën kryesore ditën e diel.

Ja kalendari i plotë i sesioneve:

E premte, 27 qershor:

• Praktika e Lirë 1 – ora 13:30

• Praktika e Lirë 2 – ora 17:00

E shtunë, 28 qershor:

• Praktika e Lirë 3 – ora 12:30

• Kualifikimet – ora 16:00 deri 17:00

E diel, 29 qershor:

• Gara – ora 15:00

• Pista: Red Bull Ring – gjatësi xhiroje 4.318 km

• Numri i xhirove: 71

• Distanca totale: 306.452 km

  
  

Kjo është një nga pistat më dinamike të kampionatit, e njohur për shpejtësitë e larta dhe mundësitë për parakalime. Gara e Austrisë pritet të jetë një tjetër spektakël për adhuruesit e shpejtësisë dhe rivalitetit në Formula 1.

“KORÇA BOOM”