FT Mbyllet miqësorja Skënderbeu-Kukësi/ Fitojnë bardhekuqtë. Ja çfarë ka ndodhur në miqësoren e sotme!

FT Skënderbeu-Kukësi 2-1

Shënues: Shaqe 51’, Valichkovski 62’ / Demirçani 64’

SKËNDERBEU: Dobjani, Amadou, Lagonidhis, Lleshi, Shaqe, Braga, Jahiji, Babamusa, Zenullari, Janaqi, Bismark. Trajner: Julian Ahmataj

REZERVA: Alia, Paloka, Kurti, Rodriguez, Valichkovski, Shkëmbi, Totre, Abubakar, Estrela.

KUKËSI: Dervishaj, Lamellari, Mejdani, Laze, Bespallov, Alison, Hitler, Ballhysa, Demirçani, Sulçe, Duka. Trajner: Bledi Kadiu

REZERVA: Korçari, Zegullari, Bushati, Pjeshka, Paulinjo, Gabriel, Çeço, Nogu, Zeneli, Samuel.

Skënderbeu ka fituar në testin që ka përfunduar pak momente më parë në aneksin e stadiumit juglindor, një fitore me rezultatin 2-1 për bardhekuqtë përballë Kukësit.

Pjesa e parë e takimit ka përfunduar me rezultatin e bardhë 0-0, ndërkohë që në 45 minutat e para vlen të përmendet një penallti e humbur nga Skënderbeu në minutën e 40-të. Ishte Braga për bardhekuqtë që gjuajti nga pika e bardhë dhe priti portieri Dervishaj i Kukësit.

Pjesa e dytë nis me gol për Skënderbeun, teksa në minutën e 51-të ishte Klevis Shaqe që shënoi me kokë duke kaluar Skënderbeun në avantazhin 1-0. Më pas janë përsëri vendasit që shtojnë edhe më shumë ritmin, ndërkohë që në të 62-ën është Valichkovski që dyfishon rezultatin në 2-0.

Dy minuta më vonë Kukësi shkurton diferencën e golave në 2-1 me autor Demirçani duke rihapur sfidën.

Ndeshja bëhet edhe më e bukur në minutat në vazhdim, ndërkohë që Skënderbeu në minutën e 75-të pretendon për 11-metërsh, pasi Totre që mbante bluzën e Vangjelit me numrin 21, pengohet brenda zonës së Kukësit, por gjithçka e rregullt për gjyqtarin kryesor të takimit.

Me rezultatin 2-1 për Skënderbeun mbyllet testi i sotëm miqësor ndaj Kukësit, me një Skënderbe që duket se është në rritje në lojë.

Miqësoret e Skënderbeut

Skënderbeu-Struga 0-1

Skënderbeu-Partizani 0-2

Skënderbeu-Besa 2-1

Skënderbeu-Kukësi 2-1

“KORÇA BOOM”